ಆಷಾಢಕ್ಕೆ ಮುನ್ನ ಅರಳಿತು ಮೇಫ್ಲವರ್

ಪಂಚ್ ಕಜ್ಜಾಯ
ಪ್ರಕಾಶ-ಕ

ಟೀನಾ ಝೋನ್

ಮೇ ಫ್ಲವರ್ ನಗು

ಚಿತ್ತಾರದ ಮನೆ

ಗೆಳೆಯ ಜಿ ಎನ್ ಮೋಹನ್ ಏನಾದರೊಂದು ಮಾಡುತ್ತಲೇ ಇರುತ್ತಾರೆ. ಏನು ಮಾಡಿದರೂ ಮೆಚ್ಚುಗೆ ಆಗುವಂತೆ ಮಾಡುತ್ತಾರೆ. ಹಾಗಂತ ಅದನ್ನು ತಾವೊಬ್ಬರೇ ಮಾಡುವುದಿಲ್ಲ, ಎಲ್ಲರೂ ಒಳಗೊಳ್ಳುವ ಹಾಗೆ ಮಾಡುತ್ತಾರೆ.
ಅವರ ಹೊಸ ಸಾಹಸದ ಹೆಸರು ಮೇ ಫ್ಲವರ್ ಮೀಡಿಯಾ ಹೌಸ್. ಯಮುನಾಬಾಯಿ ರಸ್ತೆಯ ಪುಟ್ಟ ಮನೆಯೊಂದರಲ್ಲಿ ಮೇ ಫ್ಲವರ್ ಅರಳಿದೆ. ಅಲ್ಲೇನು ಮಾಡುತ್ತೀರಿ ಅನ್ನುವ ಕುತೂಹಲಕ್ಕೆ ಮತ್ತೆ ಅವರದೇ ತುಂಟ ಉತ್ತರ.
ಮೊನ್ನೆ, ಸೋಮವಾರ ಈ ಮೇ ಫ್ಲವರ್ ಗೆಳೆಯರಿಗೆ ತೆರೆದುಕೊಂಡಿತು. ಕೂತು ಮಾತಾಡುವುದಕ್ಕೆ, ಒಳ್ಳೆಯ ಸಿನಿಮಾ ನೋಡುವುದಕ್ಕೆ ಕಾವ್ಯದ ಕುರಿತು ಚರ್ಚಿಸುವುದಕ್ಕೆ, ಹರಟೆ ಕೊಚ್ಚುವುದಕ್ಕೆ, ಪಟ್ಟಾಂಗಕ್ಕೆ - ಹೀಗೆ ಎಲ್ಲಾ ಬೌದ್ಧಿಕ ಸೃಜನಶೀಲ ಚಟುವಟಿಕೆಗಳಿಗೆ ಅದೀಗ ಸಂಗಮಸ್ಥಾನ.
ಮನೆಯೊಳಗಣ ಸೊಬಗನ್ನು ಸವಿಯುವುದಕ್ಕಾದರೂ ನೀವಲ್ಲಿಗೆ ಹೋಗಬೇಕು. ಹೋಗುವಾಗ ಎಚ್ಚರಿಕೆ- ಕೈಯಲ್ಲೊಂದು ಪುಸ್ತಕ, ಮನಸ್ಸಲ್ಲೊಂದು ಒಳ್ಳೆಯ ಅಲೋಚನೆ, ಸುಪ್ತಮನಸ್ಸಿನಲ್ಲೊಂದು ಕವಿತೆಯ ಸಾಲು ಇರಲಿ.
ಕೂಡಿ ಕಲೆತು ಬೆಳೆಯುವುದಕ್ಕೊಂದು ನೆಲೆ ಒದಗಿಸಿಕೊಟ್ಟ ಮೋಹನತಾಣ, ಅವರನ್ನೂ ಸಮೃದ್ಧವಾಗಿಸಲಿ.